Dhimbje përtej fjalëve: Artistët rrëfejnë momentet e fundit me Shpat Kasapin (VIDEO)

Lajmi i trishtë që tronditi dje gjithë shqiptarët, ishte vdekja e këngëtarit nga Tetova, Shpat Kasapit. Ai vdiq në moshën 40-vjeçare pas një sulmi në zemër,derisa po qëndronte në Itali për kurimin e djalit të tij trevjeçar. Në emisionin “Kosova Today”, frontmeni i Elita 5, Arif Ziberi, tha se humbja e Shpatit është tejet e dhimbshme. Ziberi tha se babai i Shpatit, Naim Kasapi ishte bashkëpunëtor i albumit të Elita 5 “Al Kapone”, derisa shtoi se si rrjedhojë e kësaj, artisti e njihte Shpatin kur ai ishte 5 ose 6 vjeç. “E mbaj mend si një djalë shumë të bukur, të ëmbël, të shkathët. Dëshira e tij ishte të bëhej këngëtar, dëshira e tij u realizua por shumë shkurt e realizoi. Mendoj se ai kishte ende shumë për t’i dhënë artit shqiptar”, u shpreh Ziberi. Nga ana tjetër, këngëtarja Arta Bajrami tha se Shpat Kasapin e kujton si një koleg shumë të mirë, duke shtuar se ai i ka lënë një përshtypje shumë të veçantë. “Kush e ka njohur Shpatin, e ka ditur se çfarë djali i mirë ka qenë”, tha ajo. Ndërkohë këngëtarja, Mimoza Shkodra, tha se i ndjeri ka pasur një karakter të hareshëm, të çiltër dhe nuk ka bërë askënd të ndihet keq. “Kam shumë kujtime me të...”, tha pos tjerash ajo. Për të dëgjuar më shumë nga rrëfimet prekëse të miqve të Shpatit, klikoni në videon e mëposhtme: https://www.youtube.com/watch?v=0oBHlggvbpU