Dhunë në familje në Mitrovicë të Jugut, arrestohet i dyshuari

Një rast i dhunës në familje është raportuar mbrëmjen e 8 prillit në Mitrovicë të Jugut, ku një person është arrestuar pasi dyshohet se ka ushtruar dhunë fizike ndaj një gruaje. Sipas Policisë së Kosovës, i dyshuari mashkull kosovar, nën ndikim të alkoolit, ka sulmuar fizikisht viktimën femër kosovare. Si pasojë e sulmit, viktima ka pësuar lëndime trupore dhe ka pranuar tretman mjekësor, raporton KlanKosova.tv. I dyshuari është arrestuar nga policia, ndërsa me vendim të prokurorit është liruar në procedurë të rregullt. "Mitrovicë Jugu 08.04.2026-23:00. Është arrestuar i dyshuari mashkull kosovar pasi që, i njëjti nën ndikim të alkoolit kishte sulmuar fizikisht viktimën femër kosovare. Viktima ka pranuar tretman mjekësor, ndërsa i dyshuari me vendim të prokurorit është liruar në procedurë të rregullt".