DiCaprio e quan historike zyrtarizimin e “Vjosës” si Park Kombëtar (VIDEO)

Leonardo DiCaprio ka përshëndetur vendimin e Qeverisë shqiptare për shpalljen e Lumit Vjosa, Park Kombëtar. Përmes një postimi në rrjetin social Instagram, aktori i njohur hollivudian ka thënë se një vendim I tillë është historik duke i vënë theks bashkëpunimit mes Qeverisë shqiptare, shoqërisë civile dhe bizneseve. Ai tha se tash Lumi Vjosa do të rrjedhë i lirë përgjithmonë. “Historike dita e sotme! Bashkëpunimi mes qeverisë shqiptare, shoqërive civile dhe bizneseve ka krijuar Parkun e parë Kombëtar të Lumit të Egër në Evropë. Lumi Vjosa do të rrjedhë i lirë përgjithmonë, nga burimi në det, për ta shijuar brezat e ardhshëm. Tani është një vizion i ri për ruajtjen globale të ujit. Urime për të gjithë ata që e bënë realitet këtë përpjekje të mahnitshme”, ka shkruar aktori. Ndryshe, DiCaprio ishte një nga aktivistët më të njohur për mbrojtjen e lumit Vjosë. https://www.youtube.com/watch?v=G39HyiVzZb4