Diego Maradona i nënshtrohet operacionit në stomak

Legjenda e futbollit Diego Maradona po rimëkëmbet në spital pas operacionit të suksesshëm në stomak. Ai iu nënshtrua ndërhyrjes kirurgjikale për të ndalur gjakderdhjen e brendshme të shkaktuar nga një hernie, tha avokati i tij. 58-vjeçari zbuloi problemin gjatë një kontrolli spitalor rutinë këtë muaj. Ai u operaua të shtunën për të ndaluar gjakderdhje në stomakun e tij. "Ndërhyrja kirurgjikale e Maradonës mbaroi. Falë Zotit çdo gjë ka shkuar në mënyrë të përkryer,"-tha Matias Morla në Twitter. Mjekët zbuluan gjakderdhjen para se Maradona të udhëtonte drejt Meksikës, ku është trejner i Dorados de Sinaloa. Morla tha se ish-futbollisti do të kthehet në klubin meksikan për një sezon të dytë pas të rikuperohet plotësisht.