Digjet një shtëpi në Hodonoc të Kamenicës, dëmet e konsiderueshme (VIDEO)

Një rast i zjarrit ka ndodhur sot në fshatin Hodonoc të Kamenicës. Atje, nga flakët u përfshi një shtëpi, e fatmirësisht askush nuk u lëndua. Lidhur me ngjarjen, detaje për Klankosova.tv ka dhënë zëdhënësi i policisë për rajonin e Gjilanit, Ismet Hashani. "Në vendin e ngjarjes kanë dal njësitet patrulluese dhe zjarrfikësit. Dëmet janë të konsiderueshme", tha Hashani për Klankosova.tv. "Rasti është në shënim zyrtar. Tash mbetet që inspektorët e zjarrit ta përcaktojnë shkakun e zjarrit", deklaroi ai për Klankosova.tv.