Derisa plakeni, natyra e lëkurës dhe struktura e saj, ndryshon. Në vitet e adoleshencës, jeni më të prirë ndaj puçrrave dhe acarimeve, dhe derisa i afroheni të 20 -ve, problemi zhduket.
“Gratë në të 30 -at e tyre shpesh ndiejnë besim të ri dhe një ndjenjë fuqie. Kjo ndjenjë, e shoqëruar me kujdesin e përsosur të lëkurës, do t'i bëjë ato të ndihen rehat me lëkurën e tyre”, ka thënë Tanaya Sarma, bashkëthemeluese e “Talking Herbs”.
Sipas Sarma, gratë në të 30 -at fillojnë të përballen me disa probleme me lëkurën e tyre.
“Lëkura juaj do të ketë nevojë për shumë kujdes. E tëra çfarë ju duhet të bëni është të ndiqni bazat e kujdesit për lëkurën tuaj, duke u siguruar që ajo është e ushqyer mirë. Kur provoni këto këshilla bukurie, vitet ’30-ta bëhen të lehta dhe argëtuese”, ka shtuar ajo.
Shumica e grave injorojnë rutinën e pastrimit, tonifikimit dhe hidratimit. Kjo rutinë është edhe më thelbësore dhe duhet të ndiqet kur jeni 30 vjeç, ka thënë Sarmam përcjell Klankosova.tv
Sallatat e bëra nga perime dhe fruta të freskëta do të ndihmojnë në heqjen e toksinave nga trupi juaj.
Merrni suplemente si vitaminat C dhe E pasi ju bëjnë të ndiheni rehat në lëkurën tuaj.
Pini shumë ujë çdo ditë. Pini rreth 8-10 gota ujë pasi është e nevojshme jo vetëm për një trup të shëndetshëm, por edhe për lëkurë të bukur. Gjithashtu do të ndihmojë në eliminimin e toksinave nga trupi.
Provoni të hiqni dorë ose të paktën të zvogëloni konsumin e alkoolit dhe pirjen e duhanit. Ulni marrjen e sheqerit dhe kafeinës gjithashtu.
Kremrat e natës do t'ju ndihmojnë të hidratoni lëkurën tuaj. Gjithashtu do të ndihmojë në rritjen e kolagjenit në lëkurë.
Kremi kundër diellit është i rëndësishëm në çdo moshë, dhe askush nuk duhet të harrojë ta vendosë atë kur del jashtë. Për gratë mbi 30 vjeç, një krem kundër diellit me një SPF 30 ose një që përmban mbrojtje nga rrezet UVA/UVB është më i miri.
●●●
ASHKRIMI NGA
A.B
Editorial nga Klan Kosova — ndjek lifestyle dhe zhvillimet e tjera kryesore të vendit.
