Disa nga zakonet e grimit që mund t'ju çojnë në humbje të shikimit

Ekspertët tregojnë se disa zakone të grimit të cilat mund të sjellin rreziqe të shumta. Optometristja, Valarie Jerome ka thënë se duhet pasur kujdes me produktet e grimit, sepse mund të ndikojnë që t'ju bëhen rrudhat në fytyrë dhe t'ua dëmtojnë shikimin. “Mos mbajtja e grimit me përgjegjësi mund të ketë ndikim në shëndetin e syve. Është e rëndësishme të mbani mend se me çdo acarim në skajin e qepallave të shkaktuar nga grimi është një rrezik për shikimin dhe lëkurën", është shprehur ajo. Aplikimi i grimit me duar të papastruara bën që mikrobet të transferohen lehtësisht në fytyrën tuaj përmes produkteve të grimit. Njëjtë ndodh edhe nëse nuk kujdeseni që t'i pastroni rregullisht furçat e grimit, shkruan The Sun, transmeton Klankosova.tv. Një element tjetër që mund të rrezikojë shikimin tuaj është edhe ndarja e produkteve të grimit me të tjerët. Përdorimi i produkteve të njëjta bën që bakteret e një produkti të caktuar të përcillen tek të gjithë personat që përdorin atë produkt. Edhe përdorimi i produkteve të skaduara mund të jetë shumë i dëmshëm për sytë dhe lëkurën në përgjithsëi. Një zakon tjetër i rrezikshëm është bërja e grimit në shtrat, ku mund të përcillen një numër i madh mikrobesh që mund t'ua dëmtojë rëndë sytë.