Distria Krasniqi kualifikohet në çerekfinale të botërorit në Budapest

Distria Krasniqi ka arritur të kualifikohet në çerekfinale të Kampionatit Botëror të xhudos që po mbahet në Budapest të Hungarisë. Krasniqi në raundin e tretë pati punë me xhudisten Sabina Giliazovan, të cilën e mposhti me Wazzari. Meçi shkoi në Golden Score, ndërsa ishte mjaft i barabartë, por në fund Krasniqi tregon pse është” mbretëresha” e kategorisë deri në 48 kilogramë në xhudo. Në çerekfinale, Distria Krasniqi do të përballet me xhudisten spanjolle, Laura Martinez Abelenda. Dy raundet e para xhudistja kosovare i kaloi pa luftë.