"Djaloshi" i posterave të Hitlerit

Djaloshi 4  vjeçar, Gerhard Bartels me sytë e kaltër dhe flokët e drejta ishte figura perfekte e një fëmiu të racës ariane, andaj edhe  fotografia e tij u bë posteri ideal i nazizmit. Për faktin  se xhaxhai  i tij ishe shok i Adolf Hitlerit, fotografimi vjetor i djaloshit me Hitlerin u bë një gjë e zakonshme. Disa vite para Luftës së Dytë Botërore, fotografia e tij fillimisht u paraqit në kartolina, e më pas në  libra si  dhe në të githa fushatat e regjimit nazist. E 8 dekada më vonë, Bartle tashmë 83- vjeçar vendosi të flas për herë të parë për propagandën e nazistëve. Ai rrëfen se në vitin 1936, prindërit i kishin veshur rrobat më të mira për fotografim. “Atë ditë nuk më lejohej të luaja me shokët e shoqet sepse mund të  bëja pis rrobat“ kujton Bartels. Ky i fundit  shton se xhaxhai  i tij ishte shërbyesi personal i Hitlerit gjatë Luftës së Parë Botërore. Për më tepër, Hitleri ishte vizitor i rregullt në hotelin “ Weiss Bavarian” që ndodhej  shumë afër me bujtinën Alpenhof që ishte pronë e  prindërve të Bartelit. 83- vjeçari që akoma punon në hotelin e prindërve të tij e kujton figurën e Hitlerit. “Ai ishte një gangster i vërtetë. Nazistët më kanë shfrytëzuar për qëllime propagandistike.Unë u shfrytëzova për të paraqitur në publik se Hitleri i don fëmijët.” “Por, çdo diktator ka vepruar njëjtë, qysh nga Musolini e deri te Stalini. Unë u përzgjodha pasi dukshëm kisha pamjen e djaloshit me tipare ariane, ashtu siç Hitleri kishte dëshirë.” Madje, ai sjell në kujtime edhe një moment që e bëri të lumtur që ndodhi në kohën kur po e realizonte  fotografinë dhe iu premtua një copë e madhe e ëmbëlsirës  me molla nga vet diktatori. “Fotografitë i bëra, por edhe 80 vite më vonë, nuk e mora pjesën  e ëmbëlsirës. Hitleri nuk e mbajti premtimin, ashtu si edhe shumë premtime të tjera “ “ Por megjithatë edhepse në moshë të re, thellë brenda meje e ndjeja se po manipulohesha”, përfundon ai.

klankosova.tv