Në emisionin “FAKTE me Adnan MEROVCIN” në KlanKosova, këtë javë i ftuar ishte fotografi dhe poeti Nesim Ispahiu, që vjen nga komuna e Vushtrrisë e që është i lindur në vitin 1935, ku ka rrëfyer detaje për lashtësinë e Vushtrrisë dhe jo vetëm.
Ndër të tjera ai ka folur edhe për njërën ndër figurat kyçe të shqiptarëve, Hasan Prishtinën që ka po ashtu prejardhje nga qyteti i Vushtrrisë.
Gjithashtu, Ispahiu tregoi se kush ishte njeriu kyç i sigurisë së Hasan Prishtinës, duke treguar se i njëjti kishte punuar furrtar në Vushtrri.
“Ibrahim Kordhaku ka qenë katër vjet truproja kryesore e Hasan Prishtinës, ka punuar si furraxhi këtu në Vushtrri. Shumë kemi pas me të lidhje. Djali i tij është gjallë në Prishtinë. Hasan Prishtina i ka pasur lidhjet kryesore nga Vushtrria”, tha Ispahiu.
Ispahiu po ashtu foli edhe për zhurmën e madhe që bëhet për prejardhjen e Hasan Prishtinës, ku tregoi për një dokument që tregon shumëçka për këtë temë, të cilin mund ta shihni ekskluzivisht në videon më poshtë. /Klankosova.tv
Klikoni KËTU për t’u bërë pjesë e kanalit zyrtar të Klan Kosovës në Viber.
Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
https://www.youtube.com/watch?v=hKzIs9g656I&ab_channel=FaktemeAdnanMEROVCI
Emisioni i plotë:
https://www.youtube.com/watch?v=oNyB_LsIr1Y&ab_channel=FaktemeAdnanMEROVCI
●●●
ASHKRIMI NGA
A
Editorial nga Klan Kosova — ndjek video lajme dhe zhvillimet e tjera kryesore të vendit.
