Donjeta Sadiku dhe Patriot Behrami më të mirët e boksit për vitin 2018

Federata e Boksit të Kosovës ka shpallur më të mirët për vitin 2018. Boksierja Donjeta Sadiku është shpallur boksierja më e mirë për vitin 2018, ndërsa Patriot Behrami është shpallur boksieri më i mirë. FBK ka ndarë çmimet edhe për kategoritë tjera. Çmimi për trajnerin më të mirë i takon Besim Ibrahimit. Gjyqtari më i mirë Latif Demolli. Punëtori sportiv më i mirë për vitin 2018 është Sylejman Voca. Klubi më i mirë për sivjet i ndahet KB Gollakut, njofton Federata e Boksit të Kosovës përcjellë Klan Kosova. Njëkohësisht u ndanë edhe çmimet për kategoritë më të reja, kontributin e dhënë për sportin e boksit, dhe mediat, ku në mesin e të vlerësuarve për përcjelljen e aktiviteteve është edhe Klan Kosova.