Donjeta Sadiku e fiton luftën e parë në turneun botëror të boksit

Boksierja Donjeta Sadiku, e ka nisur me fitore turneun botëror kualifikues Arsizio në Itali. Ajo e mposhti bindshëm kundërshtaren e saj, boksieren britanike, Shona Whitwell, me rezultat 5:0 me vendim të gjyqtarëve. Medalistja botërore, evropiane e ballkanike, të tre raundet boksoi për mrekulli dhe dominoi në ring gjatë tërë kohes duke i dhënë kundërshtarës goditje të forta dhe precize. “Trajnerja Sallauka është e kënaqur me boksin që tregoi Donjeta dhe vazhdojmë rrugën për të fituar normën Olimpike Paris 2024”, thuhet në njoftimin e Federatës së Boksit, transmeton Klankosova.tv