Donjeta Sadiku në çerekfinalen e Bullgarisë, bokson kundër nikoqires Aslahan

Boksieria kosovare Donjeta Sadiku po merr pjesë në turneun ndërkombëtar të boksit për femra ‘Balkan’ që po zhvillohet në Sofje të Bullgarisë. Boksieria e klubit ‘Gollaku’, në çerekfinale do të përballet ndaj bullgares Mehmedova Aslahan më 19 tetor. Nënkampionia aktuale e Evropës, Donjeta Sadiku është favorite kryesore për tu shpallur kampione e këtij turneu, që ka filluar më 17 tetor dhe zgjatë deri më 23 të të njëjtit muaj. Edhe kundërshtarja e saj, bullgarja Aslahan është nënkampione e Evropës në kategorinë 64 kg, kurse tash kundër Sadikut do të boksoj në peshën 60 kg.