Donjeta Sadiku në gjysmëfinale takon hungarezen Nagy Abgelia

Boksierja kosovare Donjeta Sadiku ka arritur që të mërkurën të sigurojë gjysmëfinalen e Kampionatit Evropian për Juniorë. Sadiku pritet që nga ora 18:00 këtë të enjte ta zhvillojë këtë luftë, njofton Klan Kosova. Përballë ajo do ta ketë hungarezen Nagy Abgelia me të cilën do të kryqëzojë dorëzat për të arritur në finale. Lajmin për duelin me Abgelia e ka bërë të ditur përmes rrjeteve sociale gjyqtari, Latif Demolli.