Driton Kuka u bën thirrje deputetëve: Lëni inatet personale dhe votoni projektligjin për hir të sportitëve

Trajneri i xhudos, Driton Kuka, ka bërë thirrje që nesër në Kuvendin e Kosovës të votohet projektligji që iu mundëson kompanive private t’i sponzorizojnë sportistët. Ai iu ka bërë thirrje deputetëve që të lënë inatet personale dhe të votojnë për hir të sportistëve që sipas tij janë imazh të Kosovës në botë, njofton Klan Kosova. Nesër do të mbahet seancë e jashtëzakonshme ku do të tentohet që për herë të tretë të votohet në lexim të dytë projektligji për Tatimin në të Ardhurat e Korporatave dhe votimi i amendamentit që mundëson harmonizimin dhe funksionalizimin e Ligjit për Sponsorizime. Statusi i plotë i Kukës: E meritojmë... Ditë e madhe për sportin nesër në Parlamentin e Kosovës... Nesër po presim që Parlamenti i Kosovës të ngre dorën për ligjin që ju lejon kompanive private përkrahjen e sportit e kulturës në vendin tonë! Ju që votuat herën e parë jemi mirënjohës dhe presim qe edhe ju që ishit kundër të lini inatet personale për hir të sportistëve tanë që janë storie e suksesit dhe imazhit të Kosovës në botë. Ora 10.00 nesër do jetë e veçantë për ardhmërinë e sportistëve tanë, reflektoni ju që ishit kundër ...