Këngëtarja botërore me origjinë shqiptare, Dua Lipa nisi me emocione turneun evropian “Radical Optimism” më 11 maj në Madrid, duke i surprizuar fansat me një performancë të veçantë.
Ajo këndoi këngën ikonike “Héroe” të Enrique Iglesias, të interpretuar plotësisht në gjuhën spanjolle.
Në skenën e Movistar Arena, para një publiku të zjarrtë dhe të shitur deri në vendin e fundit, ylli britaniko-shqiptar tregoi vokal të pastër dhe shqiptim të përkryer në spanjisht, duke rrëmbyer duartrokitje të gjata nga audienca e emocionuar.
Me buzëqeshje, ajo falënderoi publikun me një “¡Muchas gracias!” që ndezi sallën edhe më shumë, transmeton Klankosova.tv.
“Héroe”, versioni spanjoll i “Hero” nga albumi Escape, ishte një hit ndërkombëtar në fillim të viteve 2000 dhe mbetet ndër këngët më të dashura të Iglesias.
https://youtu.be/ljAPVna7KnQ
●●●
LESHKRIMI NGA
Lendita Elshani
Editorial nga Klan Kosova — ndjek yje dhe zhvillimet e tjera kryesore të vendit.
