Një moment magjik ka ndodhur gjatë koncertit të këngëtares Dua Lipa në Pragë, ku ajo surprizoi publikun duke interpretuar një këngë në gjuhën e tyre.
Në një postim në Instagram, Dua tregoi se këngën e kishte mësuar rishtazi dhe e kishte kënduar në koncert, pa e ditur se vetë këngëtarja origjinale e këngës, Ewa Farna, ndodhej mes publikut.
“Gjëra të bukura ndodhën në Pragë” shkroi Dua në postimin e saj, duke ndarë emocionet e netëve të paharrueshme. “Mësova një këngë dhe e këndova në çekisht... këngëtarja e këngës, Ewa Farna, rastësisht ishte në turmë!”
Momenti u bë edhe më i veçantë kur Farna pranoi ftesën e Lipës për t’u bashkuar në skenë natën tjetër dhe e kënduan këngën së bashku, në një performancë që emocionoi publikun çek.
“Më pëlqen kur ndodhin gjëra të tilla”, shtoi këngëtarja, duke e përshkruar Pragën si një qytet të mrekullueshëm. Ajo tha gjithashtu se pas koncertit gjeti kohë edhe për një vizitë të shkurtër në qytet.
●●●
EVSHKRIMI NGA
E V
Editorial nga Klan Kosova — ndjek prive dhe zhvillimet e tjera kryesore të vendit.
