Dua Lipa mbështet Edi Ramën për fjalimin në Këshillin e Evropës

Fjalimi i kryeministrit të Shqipërisë, Edi Rama, drejtuar Këshillit të Evropës, po vazhdon të duartrokitet akoma, sidomos nga politikanët dhe në përgjithësi fytyrat publike kosovare. Madje, fjalimi që nga shumë u cilësua si historik, mori edhe zemrën e këngëtares kosovare me famë botërore, Dua Lipa. Lipa, i ka shpërndarë të parit të qeverisë shqiptare videon e publikuar nga fjalimi i mbajtur në KiE. [caption id="attachment_1877304" align="alignnone" width="300"] Video e shpërndarë nga Dua Lipa në llogarinë e saj të Instagramit.[/caption] “Më lini të lirë, liberalizimi i vizave”, ka shkruar Dua në mbishkrimin e postimit duke e etiketuar Ramën. Kjo nuk është hera e parë që ylli i hitit “Levitating” shfaq hapur pikëpamjet e saj mbi situatën politike në Kosovë. Në edicionin e fundit të festivalit “Sunny Hill” që e organizon i ati i Duas, Dukagjin Lipa, ishte përzgjedhur një kampanjë kushtuar liberalizimit të vizave për Kosovën që u emërua si “Set me free”, apo në shqip “Më lini të lirë”. Gjatë fjalimit në KiE, Edi Rama ka kërkuar rishikimin e raportit të Dick Martyt, ndërsa i ka shpallur të pabaza akuzat për trafikim të organeve njerëzore gjatë Luftës Çlirimtare në Kosovë. Përndryshe, Dua Lipa dhe familja e saj, njihen për marrëdhëniet e shkëlqyera me politikanët e Shqipërisë, në veçanti me Edi Ramën dhe Erion Veliajn.