Dy armë zjarri u gjetën në vendin e ngjarjes ku ndodhi vrasja e dyfishtë në Gollubovc

Policia e Kosovës ka dhënë detaje shtesë për vrasjen e dyfishtë në fshatin Gollubovc të Malishevës. Në njoftimin e lëshuar sot për media thuhet se në vendin e ngjarjes ishin gjetur dy armë zjarri. “Njësitë e nevojshme policore kanë dalë menjëherë në vendin e ngjarjes dhe, gjatë ekzaminimit, janë gjetur dhe sekuestruar dy armë zjarri që dyshohet të jenë përdorur në këtë rast. “Në koordinim me Prokurorin e Shtetit, janë ndërmarrë të gjitha veprimet e nevojshme hetimore për ndriçimin e plotë të rastit dhe identifikimin e të dyshuarit”, thuhet në njoftimin e Policisë. Klankosova.tv ka raportuar sot se Astrit Isufi, i dyshuari për vrasjen e dy vëllezërve, është arrestuar sot në mëngjes dhe ishte i plagosur nga arma e zjarrit. /Klankosova.tv