Dy bileta fituese të çmimit "Mega Millions" shiten në të njëjtin dyqan

Lotaria e Kalifornisë njoftoi se në të njëjtin dyqan u shitën dy bileta fituese të çmimit për shortin e Mega Millions prej 395 milionë dollarësh. Zyrtarët e lotarisë thanë se dy bileta për shortin e së premtes mbrëma u shitën në stacionin Chevron në Bulevardin Ventura në Encino me numrat 21-26-53-66-70-13. Carolyn Becker, zëdhënëse e lotarisë, tha se zyrtarët nuk e dinë ende pse dy bileta identike u shitën në të njëjtin dyqan. “Teksa kjo është tepër e pazakontë dhe interesante, nuk është e padëgjuar”, tha Becker. "Ka një numër shpjegimesh; ndoshta një person donte të provonte fatin e tij në dy rreshta të ndryshëm për çfarëdo arsye, ose ndoshta disa shokë donin të provonin shanset e tyre me të njëjtat numra. Ne nuk do ta dimë saktësisht se si ndodhi kjo derisa të pretendohet çmimi”.