Dy gra mashtrojnë 55-vjeçaren në Fier, i vjedhin mbi 10 mijë euro duke u paraqitur si vajzat e saj

Një ngjarje e pazakontë ka ndodhur në Fier, ku specialistët për Hetimin e Krimeve Ekonomike dhe Financiare në DVP Vlorë kanë referuar materialet në Prokurori dhe kanë nisur procedimin penal për dy shtetase, Sh. T., 36 vjeçe, dhe Xh. T., 32 vjeçe, të dyja banuese në Vlorë. Ato akuzohen për veprën penale të “Mashtrimit”, të kryer në bashkëpunim. “Procedimi ka filluar pas kallëzimit të shtetases F. Gj., 55 vjeçe, banuese në Fier, e cila ka denoncuar se këto dy shtetase e kanë mashtruar përmes telefonit, duke u prezantuar si vajzat e saj dhe duke i marrë një shumë prej rreth 1,000,000 lekësh”, ka thënë Policia e Shtetit. 1 milion lek = 10,127 Euro