Dy të arrestuar për zjarrvënie në xhami në Peacehaven

Dy burra janë arrestuar dhe akuzuar për zjarrvënie me qëllim rrezikimin e jetës pas sulmit ndaj një xhamie në Peacehaven, East Sussex, më 4 tetor. Të akuzuarit janë Ricky Ryder, 38 vjeç, dhe Jack Slowey, 34 vjeç. Ata do të paraqiten sot në Gjykatën e Magjistraturave Westminster. Zjarri nuk shkaktoi të lënduar, por dëmtoi hyrjen kryesore të xhamisë dhe një makinë të parkuar pranë. Policia e Sussex-it ka publikuar pamje ku duken dy persona me maska që spërkatin lëndë të dyshuar ndezëse përpara ndërtesës. Një burrë 42-vjeçar, i arrestuar më parë në lidhje me hetimin, është liruar me garanci, transmeton Klankosova.tv. Detektivët kanë kërkuar nga publiku që të mos spekulojë në internet për rrethanat e incidentit ose të ndajë informacione që mund të ndikojnë në gjyq. Gjatë vizitës në xhami, Kryeministri britanik Sir Keir Starmer dhe Sekretarja e Brendshme Shabana Mahmood njoftuan një fond shtesë prej 10 milionë £ për mbrojtjen e komuniteteve myslimane nga krimet e urrejtjes dhe sulmet. Fondi do të përdoret për masa sigurie, si kamera CCTV, alarme dhe gardhe të sigurta.