Dy të lënduar nga aksidenti në rrugën nacionale Mitrovicë–Prishtinë

Dy persona janë lënduar si pasojë e aksidentit që ka ndodhur në fshatin Stanovc të Vushtrrisë, në rrugën nacionale Mitrovicë–Prishtinë. Për Klankosova.tv, zëdhënësi i Policisë së Kosovës për rajonin e Mitrovicës së Jugut, Avni Zahiti, ka pohuar se aksidenti ka ndodhur rreth orës 10:55. “Në aksident janë përfshirë dy vetura, ku përveç dëmeve materiale lëndime kanë pësuar dy persona”, ka thënë Zahiti. Klankosova.tv ka raportuar paraprakisht për rastin në fjalë, ku shihej se të përfshira ishin dy vetura. /Klankosova.tv