Dy të lënduar nga aksidenti në Veternik të Prishtinës

Dy persona janë lënduar si pasojë e një aksidenti që ka ndodhur në lagjen “Veternik” në Prishtinë. Për Klankosova.tv, zëdhënësja për rajonin e Prishtinës, Flora Ahmeti, ka thënë se në aksident e përfshirë ishte një veturë. Ahmeti ka pohuar se të lënduarit janë ngasësi i veturës dhe një pasagjer, transmeton Klankosova.tv. “Sot rreth orës 16:00 kemi pranuar informatën se në Veternik, ka ndodhur një aksident trafiku me lëndime. Në këtë aksident ka qenë i përfshirë një automjet”. “Si pasojë e aksidentit janë lënduar dy persona(ngasësi dhe pasagjeri që ishin në automjet). Me rastin po merret njësiti i trafikut rajonal”, ka thënë Ahmeti. /Klankosova.tv