Dy të vdekur nga një sulm palestinez në Izrael

Një sulmues palestinez shtypi me shpejtësi një burrë dhe goditi me thikë një grua, duke i vrarë të dy në veri të Izraelit të premten, thanë shërbimet izraelite të emergjencës. Sulmuesi, nga Bregu Perëndimor i pushtuar, u qëllua dhe u plagos nga një civil në vendngjarje dhe u dërgua në spital, tha policia izraelite në një deklaratë. "Ky ishte një sulm terrorist në vazhdimësi", shtoi policia, shkruan Reuters, transmeton Klankosova.tv. Ministri izraelit i Mbrojtjes, Israel Katz, tha se i kishte udhëzuar ushtrinë të reagonte me forcë në qytetin Qabaitya të Bregut Perëndimor , nga ku ai tha se vinte sulmuesi, për të penguar çdo sulm të mëtejshëm.