Dy turistë gjermanë, të cilët kishin humbur orientimin gjatë eksplorimit në zonën malore të fshatit Labovë e Madhe, janë shpëtuar nga shërbimet e Policisë së Shtetit.
Pas një telefonate për ndihmë rreth orës 21:00, shërbimet e Seksionit të Forcës së Posaçme “Shqiponja” arritën të lokalizojnë turistët, të cilët kishin mbetur të izoluar në terrenin e vështirë për shkak të errësirës, shkruan Euronews.al, transmeton Klankosova.tv.
Pas ndërhyrjes së policisë, dy turistët u transportuan në automjetin e tyre në fshatin Labovë e Madhe, në gjendje të mirë shëndetësore. Ata kanë shprehur mirënjohjen e tyre për ndihmën e shpejtë.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.