Dyshime për helmim të nxënësve në Vitomiricë, Prokuroria nis hetimet

Disa nxënës të shkollës "7 shtatori" në Vitomiricë të Pejës dyshohet se u helmuan të hënën. Lidhur me rastin është deklaruar edhe Prokuroria e Pejës. Zëdhënësi Shkodran Nikçi, tha për Klankosova.tv se shtatë nxënës kanë kërkuar ndihmë mjekësore. "Pasi kemi pranuar informacionin Prokurori kujdestar e ka autorizuar policinë për mbledhjen e informacioneve të nevojshme lidhur me rastin. Ka dyshime se janë helmuar disa nxënës në Vitomiricë. Shtatë nxënës kanë kërkuar trajtim mjekësor", deklaroi Nikçi për Klankosova.tv. "Aktualisht është intervistuar drejtori i shkollës deri pritet të intervistohen edhe persona të tjerë. Jemi duke pritur rezultatet nga Inspektorati Sanitar i Punës dhe do të shohim nëse kemi të bëjmë me helmim. Për detaje do t'ju njoftojmë me kohë", tha ai. Nikçi nuk bëri të ditur nëse ka ndonjë person të ndaluar apo arrestuar për këtë ngjarje. Lidhur me rastin sot ka raportuar edhe Klankosova.tv. https://klankosova.tv/helmohen-disa-nxenes-te-1nje-shkolle-ne-vitomirice-te-pejes/ https://klankosova.tv/u-barten-me-autoambulance-nxenesit-dyshohet-se-u-helmuan-ne-nje-lokal-prane-shkolles1111/