Dyshime për vjedhje e blerje të votës në Mitrovicë, aktivizohet Prokuroria

Mediat lokale në Mitrovicë kanë raportuar se në këtë komunë ka pasur keqpërdorim të votës. Në këtë komunë, konkretisht në Shipol dyshohet se ka pasur blerje të votave a madje edhe vjedhje të votës. Gazetari Shkumbin Kajtazi. thotë se tashmë kanë nisur hetimet e ku i përfshirë dyshohet të jetë një zyrtar i VV-së. "Pikapat 01 dhe 05, janë kapur nga kamerat dhe do të zbardhet së shpejti skema. Hajnat te mos flejnë të qetë. Me emra kemi me ju zbulu", ka shkruar ai në Facebook transmeton Klankosova.tv. Ndërkaq zëdhënësi i Prokurorisë Themelore të Mitrovicës, Valon Preteni, deklaroi për Klankosova.tv se ka nisur të grumbullojnë informacione lidhur me këto dyshime. "Në këtë fazë, ajo se çka mund të them është se kemi nisur grumbullimin e informacioneve. Të shohim tash se çka do të del lidhur me këto dyshime", deklaroi ai për Klankosova.tv. Në Mitrovicë, më 12 tetor, u zhvillua një garë shumë interesante në mes të dy kandidatëve, atij të PDK-së Arian Tahirit dhe atij të LVV-Guxo Faton Pecit. Bazuar në rezultatet e rundit të parë dallimi mes Tahirit dhe Pecit është veç 28 vota. Prin kandidati i PDK-së me 47.49 për qind apo 15 mijë e 368 vota, kurse ai i LVV Guxo i ka marrë 47.80 për qind apo 15 mijë e 40 vota.