Ministria e Shëndetësisë ka njoftuar se si pasojë e dyshimeve për helmim nga uji, 200 qytetarë kanë kërkuar ndihmë mjekësore.
Gjatë ditës së sotme, zëvendësministri Arsim Berisha, ka qëndruar në Hanin e Elezit.
Ai tha se kjo komunë është ndihmuar me barëra dhe me materiale të tjera të nevojshme.
Berisha theksoi se ekipet e Institutit Kombëtar të Shëndetësisë Publike të Kosovës kanë marrë edhe sot mostra për analizë laboratorike të ujit pas dyshimeve për intoksikim të ujit.
"MSh dhe SHSKUK kanë ndihmuar QKMF-në e Hanit të Elezit me furnizime me medikamente dhe materiale shpenzuese të nevojshme të kërkuara si nevoja emergjente.Ekipet e IKSHPK-së ndërkaq, kanë marrë edhe sot mostra për analizë laboratorike të ujit pas dyshimeve për intoksikim të ujit" - Berisha.
https://www.youtube.com/watch?v=x2knQ_PmkjA&t=4s
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.