Dyshohet se sulmoi burrin e gjyqtares, ekstradohet nga Gjermania në Shqipëri

Është ekstraduar nga Gjermania një 38-vjeçar që në vitin 2019 dyshohet se dhunoi dhe kanosi me armë zjarri, bashkëshortin e gjyqtares së ngarkuar për procesin kundër grupit kriminal ku i ai bënte pjesë. Sipas policisë, si rezultat i bashkëpunimit të ngushtë ndërmjet strukturave të Interpol Tiranës, me homologët në Gjermani, u finalizua procedura për ekstradimin në Shqipëri, 38-vjeçarit të shpallur në kërkim ndërkombëtar, transmeton Klankosova.tv. Në vitin 2024, GjKKO-ja i ka caktuar masën e sigurisë “Arrest në burg”, për veprën penale “Goditjet ndaj pjesëtarëve të familjes së personit që kryen një detyrë shtetërore”, kryer në kuadër të grupit të strukturuar kriminal. I dyshuari iu dorëzua Drejtorisë së Përgjithshme të Burgjeve, me qëllim kryerjen e veprimeve të mëtejshme.