'E domosdoshme dhe urgjente', profesor Baraliu: Kushtetuta duhet të ndryshohet (VIDEO)

Njohësi i çështjeve kushtetuese, Mazllum Baraliu, ka deklaruar se Kushtetuta e Kosovës ka nevojë për ndryshime, e për këtë duhet edhe vullnet politik. Në emisionin “Ora 7”, ai ka folur për përmbajtjen e nenit të parë të Kushtetutës, duke krahasuar formulimet me ato të disa shteteve të rajonit. “Në nenin e parë, në paragrafin e parë, duhet të shkruhet Kosova është shtet i shqiptarëve dhe i komuniteteve të tjera që jetojnë në të, por nuk shkruhet kështu. Për shembull në Kushtetutën e Malit të Zi, kështu shkruhet, dhe në shumicën e kushtetutave, në Maqedoni e kështu me radhë, por megjithatë, pavarësisht rëndësisë historike, ka nevojë të domosdoshme dhe urgjente që të ndryshohet, mirëpo për këtë duhet vullnet politik”, deklaroi ai në Klan Kosova. https://youtu.be/-p_eZHCfUY0