E lëndoi me mjet të mprehtë familjarin, arrestohet i dyshuari në Malishevë

Një burrë është arrestuar në Malishevë, nën dyshimin se kishte sulmuar fizikisht një familjar, dhe të njëjtit i kishte shkaktuar lëndime në dorë me mjet të mprehtë. Sipas njoftimit të Policisë, viktima ka pranuar tretman mjekësor, derisa i dyshuari është dërguar në mbajtje, transmeton Klankosova.tv. “Është arrestuar i dyshuari mashkull kosovar pasi që i njëjti dyshohet se ka sulmuar  fizikisht viktimën mashkull kosovar dhe i ka shkaktuar lëndime në dorë me një mjet të mprehtë(brisk).Viktima ka pranuar tretman mjekësor. I dyshuari është arrestuar dhe me vendim të prokurorit pas intervistimit dërgohet në mbajtje”, thuhet në raportin 24-orësh të PK-së.