E para e Europës në xhudo: E lumtur për flamurin dhe himnin më shumë sesa për medaljen

Xhudistja kosovare Majlinda Kelmendi e cila tashmë për të dytën herë e ka fituar titullin e më të mirë në Europë thotë se ndihet shumë e lumtur që në Rusi është nderuar flamuri dhe himni i Kosovës. “Jam ndjerë jashtëzakonisht e lumtur, ka qenë hera e parë që në një kampionat evropian është dëgjuar himni i Kosovës”. “E di qysh është të jemi të diskriminuar ose jo i barabartë me sportistët e tjerë dhe jam ndier jashtëzakonisht e lumtur dhe e emocionuar, jo aq për medaljen ngaqë unë veçse jam kampione”. Më tutje Kelmendi ka falënderuar kryeministrin për pritjen dhe të gjithë qytetarët që kanë qenë në aeroportin Adem Jashari. “Ndihem shumë e lumtur që të paktën për 3 ditë ju kam bërë të ndiheni të lumtur dhe t’i harroni problemet”.

klankosova.tv