E rëndë: 60 vjeçari gjendet i vdekur në Elbasan

Një ngjarje e rëndë ka ndodhur mbrëmjen e së premtes në Elbasan. Në lagjen "Brigada 17 sulmuese", është gjetur një burrë pa shenja jete. Siç raportojnë mediat në Shqipëri, bëhet fjalë për 60 vjeçarin Vasil Gashi, trupi i të cilit u gjet nga banorët e zonës, transmeton Klankosova.tv. Viktima kishte veshur uniformë pune në momentin kur u gjet pa shenja jete, çka ka ngritur dyshime mbi rrethanat e ngjarjes. Në vendin e ngjarjes dolën policia dhe njësite tjera relevante, të cilët mblodhën edhe provat. Tashmë hetimet lidhur me rastin kanë nisur, për të bërë të ditura shkaqet e vdekjes. Trupi i pajetë është dorëzuar për autopsi në Mjekësinë Ligjore, raporti i së cilës pritet të zbardh rastin dhe të tregojë nëse bëhet fjalë për vdekje natyrale apo ka diçka të dyshimtë në këtë ngjarje të rëndë, transmeton Klankosova.tv.