E rëndë: Këto janë viktimat e aksidentit tragjik në autostradën “Ibrahim Rugova”

Eorda Sinollari dhe Elizabeta Katija, kjo e fundit e njohur në mediat e Shqipërisë si eksperte e ekonomisë, janë dy viktimat e aksidentit tragjik që ndodhi sot në autostradën “Ibrahim Rugova”. Në këtë aksident ishin të përfshira një veturë dhe një kamion, ku si pasojë vdekjen e gjetën dy gra, derisa shoferi i kamionit ka pësuar lëndime dhe po trajtohet në QKUK, transmeton Klankosova.tv. Rastin tragjik për Klankosova.tv e kanë konfirmuar edhe organet e rendit. “Sot, rreth orës 07:40, në autostradën ‘Ibrahim Rugova’, në kilometrin e 26-të, ka ndodhur një aksident trafiku me pasoja fatale. Në këtë aksident kanë qenë të përfshira një mjet i rëndë transportues-kamion, me targa vendore dhe një veturë me targa të huaja”, thuhej në përgjigjen e Baki Kelanit, zëdhënës i Policisë së Kosovës. https://klankosova.tv/e-dhimbshme-shkon-ne-dy-numri-i-viktimave-nga-aksidenti-ne-ibrahim-rugova1/ https://klankosova.tv/aksidenti-fatal-ne-ibrahim-rugova-njeri-i-lenduar-rende-transferohet-ne-qk1uk/ https://klankosova.tv/detaje-nga-aksidenti-ne-ibrahim-rugova-viktima-ngiste-veture-me-targa-te-huaja-video/