E rëndë: Personi që u gjet i vdekur në një lokal të Prizrenit, ishte 78-vjeçar

Një 78-vjeçar është gjetur pa shenja jete në rrugën “Edit Durham” në Prizren, mëngjesin e së hënës. Zëdhënësi i Policisë për rajonin e Prizrenit, Shaqir Bytyqi, dha detaje për Klankosova.tv, ku tha se viktima, shtetas i Shqipërisë dhe i Kosovës, u gjet pa shenja jete në një lokal të përdorur si banesë. Bëhet e ditur se trupi i pajetë është dërguar në IML për obduksion. “Me datën 08.12.2025, rreth orës 08:30, policia është njoftuar se në rrugën 'Edit Durham', në Prizren, në një lokal të përdorur si banesë, është gjetur pa shenja jete një person mashkull, 78-vjeçar, shtetas i Shqipërisë dhe i Kosovës. Policia ka dalë në vendngjarje, është njoftuar prokurori dhe, me urdhër të prokurorit përgjegjës, trupi i pajetë është dërguar në IML në Prishtinë. Policia ka filluar hetimet e rastit si 'Hetim i vdekjes'”, thuhet në përgjigjen e Bytyqit. https://klankosova.tv/gjendet-pa-shenja-jete-nje-person-ne-nje-lokal-ne-prizren-11111111/