“E rrejshme ka qenë”, debat i ashpër mes Kajtazit dhe Arifit për marrëveshjen e demarkacionit (VIDEO)

Në emisionin “Rubikon” në Klan Kosova është zhvilluar një debat me tone të ashpra mes opinionistëve Avni Arifi dhe Vehbi Kajtazi. Në fokus të këtij debate ishte çështja e aleancave ndërkombëtare dhe marrëveshja për demarkacionin.

Arifi u pyet nëse Kosova nuk ka qenë e vëmendshme me aleancat e saj dhe ka bërë gabime në menaxhimin e çështjeve si demarkacioni me Malin e Zi.

 Ai u shpreh se problemi kryesor nuk ka qenë domosdoshmërisht vetë marrëveshja, por mënyra se si institucionet e Kosovës e kanë trajtuar procesin. “Ka qenë gabim se askush nuk është marrë me Malin e Zi, nuk është parë marrëveshja që Mali i Zi na ka bërë diçka, pakënaqësia e Kosovës ka qenë me vet institucionet e Kosovës dhe procesin e menaxhuar jo si duhet”, tha Arifi. Nga ana tjetër, Kajtazi e kundërshtoi këtë qëndrim, duke thënë se ajo ka qenë e rrejshme. “E rrejshme ka qenë megjithatë. Se i ke me dokumente”, tha Kajtazi.

Debati vazhdoi edhe me një përgjigje nga opinionisti Arifi.

“Nuk e di. Sipas teje”, tha ai./Klankosova.tv https://www.youtube.com/watch?v=Zg8pnlRtZK4 https://www.youtube.com/watch?v=BIpz9_NWIjE https://www.youtube.com/watch?v=-KtG5lrwIss