E shkroi këngën "himn" për Jusuf Gërvallën, autori e këndon vetë në 40 vjetorin e rënies (VIDEO)

Refki Reshitaj e risolli këngën kushtuar Jusuf Gërvallës në 40 vjetorin e rëniës, veç kësaj radhe të kënduar nga vetë ai. Nëse nuk e dini, Reshitaj e ka shkruar tekstin e këtij ‘himni’ që titullohet “Kush i vrau bijtë e kësaj toke”, në 10 vjetorin e rëniese së patriotëve Jusuf e Bardhosh Gërvalla dhe Kadri Zeka. “Këtë këngë kushtuar tre patriotëve dhe Heronjëve të kombit tonë, Jusuf e Bardhosh Gërvalla dhe Kadri Zeka, me mikun dhe bashkëpunëtorin tim, Hamëz Llapqeva e rikthyem sot në 40 vjetorin e vrasjes tinzare të tyre. Tekstin e shkrova unë në dhjetëvjetorin e rënies së tyre, muzikën e komponoi Hamza,kurse e gjithë përgatitja për realizim, në atë kohë aspak të lehtë për projekte të kësaj natyre, u bë në Odën e rapsodit Isë Llapqeva. Jemi krenarë që kjo këngē shumë shpejtë u bë kënga më e adhuruar dhe e popullarozuar në atë kohë. Tani pas 30 vitesh, ne autorët e saj, bashkë me orkestruesin Prof. Albrim Llapqeva, bëmë përpjekje që ta rikthejmë në kujtesën e publikut, ashtu si edhe kujtimin dhe respektin e përjetëshëm për tre Heronjët e pavdekshëm Jusuf e Bardhosh Gërvalla dhe Kadri Zeka ! LAVDI”, ka shkruar Reshitaj në Facebook, teksa ka shpërndarë këngën në llogarinë e tij në Facebook, njofton Klankosova.tv. https://www.youtube.com/watch?v=SVnEdgxjeJc