Edhe sot asnjë rast i vdekjes nga COVID-19 në vend

Asnjë rast i vdekjeve si pasojë e COVID-19 nuk është regjistruar në 24 orët e fundit në vend. Lajmi është bërë i ditur nga Ministri i Shëndetësisë, Armend Zemaj, me anë të një postimi në Facebook, njofton Klan Kosova. Zemaj ka njoftuar se gjatë kësaj periudhe janë regjistruar 46 raste pozitive me koronavirus. "Bashkë po i gëzohemi faktit që Kosova edhe sot nuk ka asnjë rast të vdekjes nga Covid 19, si dhe një numër relativisht më ulët sa i përket të të infektuarve, ku nga 580 teste, 46 kanë rezultuar pozitiv", shkruan Zemaj. I pari i shëndetësisë njëherit ka bërë thirrje për respemtin e masave kundër COVID-19. "Mbroni veten dhe njerëzit që ju rrethojnë! Respektoni masat anti covid për të frenuar përhapjen e virusit! Me kujdes çdo ditë, e mundim virusin!.". Në Kosovë edhe të martën nuk është regjistruar asnjë rast i vdekjes me virusin korona.