Eklipset të dëmshme për sytë, tregojnë studimet

Derisa hemisfera veriore po përgatitet për eklipsin e 8 Prillit, Akademia Amerikane e Optomologjisë ka publikuar disa raste studimore kur njerëzit kanë humbur shikimin gjatë eklipsit të fundit të vitit 2017. New York Times përshkroi një rast të një gruaje të re e cila pasi pa eklipsin më 21 gusht të vitit 2017 kishte filluar të shihte çuditshëm. Siç kishte shpjeguar gruaja, në vizionin e saj ajo kishte një “zonë të zezë” sikur gjysmëhënë. "Ekziston vetëm një mënyrë e sigurt për të parë drejtpërdrejt diellin, qoftë gjatë një eklipsi ose jo: përmes filtrave diellorë me qëllime të veçanta. Këta filtra diellorë përdoren në syzet e eklipsit ose në shikuesit diellorë që mbahen me dorë”- shpjegoi Akademia Amerikane e Optomologjisë. Shikimi i një eklipsi diellor pa syzet e eklipsit është i rrezikshëm për sytë dhe mund të shkaktojë një gjendje të quajtur retinopati diellore, e cila vije kur rrezatimi diellor dëmton sytë. “Madje mund të çojë në pika të verbëra të përhershme ose shtrembërime në shikimin tuaj” - thonë mjekët e syrit në NVision Centers, përcjell klankosova.tv