Ekskluzive: Pas vrasjes së dyfishtë, Astrit Isufi ishte fshehur në shtëpi të pabanuar - u gjet i plagosur

Në orët e hershme të mëngjesit të sotëm policia ka arritur ta kap Astrit Isufin, që dyshohet për vrasjen e dyfishtë të ndodhur të enjten në Gollubovc të Malishevës. Klankosova.tv ka mësuar se rreth orës 06:30 atë e kishin gjetur zyrtarët policorë derisa ishte munduar të fshihej. Burime për Klankosova.tv theksojnë se Isufi që dyshohet për vrasjen e dy vëllezërve, Driton dhe Naim Morina para shtëpisë së tyre ishte fshehur në shtëpi të pabanuara në një fshat aty pranë, në Pllaçicë. Policia kishte rënë në gjurmët e tij, dhe e kishin arrestuar, i njëjti ishte i lënduar dhe pas arrestimit e kanë dërguar në Qendrën Kryesore të Mjekësisë Familjare në Malishevë. Pas ndihmës mjekësore që mori në QKMF-në në fjalë u dërgua për trajtim në Qendrën Klinike Universitare të Kosovës. /Klankosova.tv https://klankosova.tv/arrestohet-astrit-isufi-i-dyshuari-per-vrasjen-e-dy-velleze1rve/   https://klankosova.tv/te-gjitha-detajet-qe-dihen-deri-tani-per-vrasjen-e-dyfishte-ne-gollubovc-te-malisheves/