Ekspertët tregojnë pse disa njerëz vazhdojnë të vuajnë nga pagjumësia pas COVID-it

Përveç simptomave të zakonshme si kollitja dhe ethet, COVID-19, sipas ekspertëve shëndetësor shkakton disa implikime afatgjata si rënia e flokëve, ulja e dëshirës seksuale, vështirësitë në dëgjim dhe shikim, si dhe probleme me gjumin. Ndërsa shumica e tyre largohen pas disa muajsh shërimi nga ky virus, shumë njerëz vazhdojnë të luftojnë me pagjumësinë. Një studim, i botuar në "Frontiers", vuri në dukje rreth 78.58 për qind e njerëzve nga vende të ndryshme të botës kanë ç'rregullime me gjumin pasi kanë kaluar COVID-in, shkruan Indianexpress, transmeton Klankosova.tv. Sipas ekspertëve, çrregullimet përfshinin edhe problemet me frymëmarrjen gjatë fjetjes dhe çrregullimet e zgjimit nga gjumi. Ata gjithashtu kanë dhënë edhe disa këshilla për të fjetur mirë, siç janë ushtrimet, kufizimi i pirjes së alkoolit dhe kufizimi i përdorimit të telefonit para gjumit. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS.