Ekspozita e Shkëlzen Gashit, deputeti Hasani: S'është gabim, por prezantim i deklarimit të UDB-së

Deputeti i PDK-së Nait Hasani, i është drejtuar sot Kuvendit të Kosovës me një fjalim si mibijetuar i Masakrës në Burgun e Dubravës. Ai reagoi sërish ashpër ndaj ekspozitës së Shkëlzen Gashit, që u organizua në qendren e Prishtinës më 24 mars. Hasani tha se kjo nuk është vetëm një gabim, por prezantim i deklarimit të UDB-së. "Kjo është fyerje për viktimat, është fyerje për të burgosurit dhe të mbijetuarit. Fyerje për të vërteten e Masakrës në Burgun e Dubravës", deklaroi ai para deputetëve. Ndërkaq, partia e tij e lëshoi sallën e Kuvendit si shenjë pakënaqësie për mosfutjen si pikë e parë e rendit të ditës të rezolutës së propozuar nga ata për mbrojtjen e viktimave të luftës.