Ekstradohet nga Franca për në Kosovë i kërkuari për tentim-vrasje

Policia e Kosovës ka njoftuar se dje ka bërë ekstradimin e shtetasit kosovar nga Franca për në Kosovë. I dyshuari, sipas Policisë, ishte arrestuar nga autoritete zvicerane pasi që i njëjti kërkohej përmes INTERPOL-it, it me letër rreshtim ndërkombëtar, të lëshuar nga institucionet e drejtësisë së Kosovës, për veprën penale “Vrasje në tentativë” dhe se i njëjti i ishte shmangur drejtësisë, transmeton Klankosova.tv. “Ekstradimi u realizua bazuar në ligjet në fuqi dhe  bashkëpunimit të ngushtë mes institucioneve të R. Kosovës dhe atyre Franceze”, thuhet në komunikatën për media. I dyshuari pas ekstradimit, thuhet se i është dorëzuar njësiteve përkatëse të policisë rajoni i Pejës për vazhdim me procedurat tjera ligjore. “Policia e Kosovës do të vazhdoj me shkëmbimin e informacioneve me institucionet vendore, shtetet dhe organizatat ndërkombëtare me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitete tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit”, thotë PK. /Klankosova.tv