Ekziston një moment i ditës që s'duhet të hamë e as të pimë, sipas dentistes

Të gjithë duan t'i mbajnë dhëmbët e tyre të shëndetshëm. Nëse mendoni se mjafton larja e dhëmbëve rregullisht, larja me fill dhe shpëlarja me shpëlarje goje, gaboheni. Dentistja Elie Phillips thotë se koha e ditës që hamë mund të ndikojë edhe në shëndetin oral. Për më tepër, ajo thotë se ka një kohë të ditës kur nuk duhet të hamë e të pimë. "Ngrënia pasdite mund të ndikojë negativisht në buzëqeshjen tuaj. Dhëmbët duhet të lihen vetëm për të paktën dy orë pas drekës në mënyrë që pështyma të mineralizojë dhëmbët," tha ajo në TikTok. Ajo shpjegon se si kufiri kohor lidhet me ritmin cirkadian që luan një rol në rrjedhjen e pështymës në gojë. "Pështyma lëviz më ngadalë dhe është më acidike në mëngjes. Megjithatë, pas drekës, pasdite, përmban një pH më të lartë, që nevojitet për mineralizimin e dhëmbëve", theksoi ajo. Sa i përket drekës ajo këshillon të hamë një sallatë sepse ajo që hamë ndikon edhe në cilësinë e pështymës në gojë, shkruan Index.hr, transmeton Klankosova.tv. “Mund të merrni gjithashtu pak ksilitol, një ëmbëlsues natyral që mund të gjendet në disa çamçakëz, për të nxitur prodhimin e pështymës së shëndetshme”, shtoi ajo. Ajo theksoi se dy orë pas drekës nuk duhet të hamë e të pimë asgjë. Dentistja u bëri thirrje njerëzve që të shmangin ushqimet e lehta dhe na këshilloi që të pastrojmë dhëmbët në mëngjes pas mëngjesit, pra kur e dimë se nuk do të hamë apo pimë asgjë për dy orë më pas, transmeton Klankosova.tv.