Elezi: Shoqata Historike Ruse tregon se Moska dëshiron të ketë kontroll në Ballkanin Perëndimor (VIDEO)

Eksperti i sigurisë Bedri Elezi ka thënë se formimi i “Shoqatës Historike Ruse” në Serbi tregon se Rusia është riangazhuar në sigurinë e Ballkanit Perëndimor. Në emisionin “Ora Shtatë” në Klan Kosova, ai ka deklaruar se Rusia dëshiron të ketë kontroll në Ballkanin Perëndimor përmes shoqatave të tilla, transmeton Klankosova.tv. “Kjo që ndodhi është një argument se në cilin pozicion është Serbia dhe kush janë udhëheqësit realë të saj. Shoqata tregon se Rusia është riprofilizuar në angazhimin e saj sa i përket sigurisë në Ballkanin Perëndimor.” “Ky veprim është një sinjal serioz i pasigurisë në gadishullin ballkanik, duke bërë të qartë angazhimin e drejtpërdrejtë të kontrollit që Rusia do ta ketë përmes këtyre lloj shoqatave, të cilat në fakt do të veprojnë si një farë shteti mbi pushtetin në Serbi, duke i dhënë njëfarë lloj legjitimiteti aktiviteteve të zyrtarëve operativë të shërbimeve sekrete serbe,” ka thënë Elezi. /Klankosova.tv https://www.youtube.com/watch?v=Z1Ly7hhyI9Q