Është një ndër ikonat e muzikës folklorike. Këngët e saj u kanë mbijetuar dekadave. Janë kënduar natën e ditën, në kafene e lokale, në evente e në koncerte. Janë kënduar nga vetë ajo, e janë ripërtërirë nga këngëtarët tjerë.
Këto këngë janë fine, kanë tipare korçare, e mbajnë melodi të përsosura folklorike. Me to mund të vuash, me to mund të gëzosh e vallëzosh. E krejt këtë ka arrit ta sjellë në tre minuta këngë Eli Fara, protagonistja e këtij materiali.
Ndonëse kanë kaluar shumë vite nga ngjitja e parë e saj në skenë, ajo nuk ka reshtur së krijuari gjëra të reja. Kënga e saj e fundit që u publikua javën që po lëmë pas është një bashkëpunim me reperin e njohur nga Kosova, Gold AG.
Kënga është e freskët e shumë verore, një kombinim i hatashëm mes karakteristikave të të dy artistëve. Klipi i xhiruar në ambiente malore, me balerinë e vallëzim, e sjellë Elin shumë të freskët, sikur të ishte në të 20-tat e saj.
Në këtë rrëfim s’kishte si të mungonte edhe lidhja e saj me Kosovën, një vend në të cilin ajo ka përjetime nga më të ndryshmet, të cilat i kujton e mallëngjyer. /Klankosova.tv
https://www.youtube.com/watch?v=Ta4FdGCKNLc
●●●
LGSHKRIMI NGA
L. Ga.
Editorial nga Klan Kosova — ndjek prive dhe zhvillimet e tjera kryesore të vendit.
