Emërohet kryetari i ri i Bordit Udhëheqës të NLB Bankës, z. Gazmend Kadriu, teksa z. Albert Lumezi i afrohet pensionimit të merituar

Me rastin e pensionimit të merituar të z. Albert Lumezi, Kryetarit të Bordit Udhëheqës në NLB Banka, kontributi i të cilit në rritjen dhe rezultatet e shkëlqyera të Bankës sonë ishte vërtet i jashtëzakonshëm, Kryetari i ri i Bordit Udhëheqës, z. Gazmend Kadriu që do ta fillojë detyrën nga data 1 prill 2023. Gjatë mandatit të tij në NLB Banka, z. Albert Lumezi ka treguar një lidership shembullor, duke drejtuar Bankën për 16 vite në rritje dhe inovacion. Qasja e tij vizionare ka qenë kritike në formësimin e Bankës në entitetin e suksesshëm që është sot. Angazhimi i tij i palëkundur ndaj integritetit dhe praktikave etike të biznesit ka vendosur një standard të lartë për t’u ndjekur nga të gjithë punonjësit e NLB Banka, dhe trashëgimia e tij do të vazhdojë të frymëzojë brezat e ardhshëm të liderëve në industrinë bankare. Nën menaxhimin e tij, NLB Banka ka zgjeruar bazën e klientëve dhe ka diversifikuar ofertat e produkteve të saj, duke forcuar pozicionin si një institucion financiar lider në treg. NLB Banka aktualisht mban pozitën e bankës së dytë më të madhe në treg bazuar në të gjithë treguesit kryesor të performancës, duke përfshirë totalin e aseteve, kredive dhe depozitave. Ndërsa sa i përket fitimit neto, NLB Banka mban pozitën e parë në treg. Derisa z. Lumezi largohet me rastin e pensionimit të merituar, prania dhe kontributet e tij do t'i mungojnë thellësisht të gjithëve në Bankë. Lumezi shprehu besimin e tij për të ardhmen e Bankës me Kryetarin e ri të Bordit Udhëheqës. “Kryetari i ri ka përvojë dhe ekspertizë për të udhëhequr Bankën drejt sukseseve në të ardhmen. Nuk kam asnjë dyshim se Banka do të vazhdojë të zhvillohet nën udhëheqjen e re. I dëshiroj mirëseardhje të ngrohtë Kryetarit të ri të Bordit Udhëheqës, z. Gazmend Kadriu, dhe i uroj suksese në detyrën e re”.Kadriu sjell përvojë dhe ekspertizë të pasur në këtë pozitë. Ai është një bankier me eksperiencë 30 vjeçare në sistemin bankar të Shqipërisë, Kosovës dhe Maqedonisë, në banka komerciale dhe qendrore, si dhe në auditim dhe konsulencë bankare. Ai do të punojë ngushtë me Bordin e Drejtorëve dhe pjesën tjetër të ekipit drejtues të Bankës për të siguruar që NLB Banka vazhdon të ofrojë produkte dhe shërbime të cilësisë së lartë për klientët e saj. Kadriu ishte Kryeshef Ekzekutiv dhe më pas anëtar i Bordit të Drejtorëve të Union Bank në Shqipëri që nga viti 2005. Para kësaj, ai ishte Drejtor i Bankës së Re të Kosovës në vitin 2004. Ai gjithashtu ka shërbyer si anëtar i Bordi i Drejtorëve dhe Komitetit për Menaxhimin e Riskut në NLB Tutunska Banka Shkup në Maqedoni. Z. Kadriu ka punuar edhe si Udhëheqës i Departamentit të Mbikëqyrjes në Bankën Popullore të Republikës së Maqedonisë (1996 – 1998), pasuar nga auditimi dhe konsulenca bankare, duke përfshirë edhe Ernst & Young në Shkup. “Jam i lumtur që i bashkohem NLB Banka për të udhëhequr Bankën në fazën e saj të ardhshme të rritjes dhe inovacionit”, tha z. Gazmend Kadriu. "Mezi pres të ndërtoj mbi themelet që z. Albert Lumezi ka krijuar dhe të punoj së bashku me ekipin e talentuar në NLB Banka për të sjellë sukses të vazhdueshëm për Bankën dhe partnerët e saj." Mendimeve të tij ju bashkua edhe z. Blaž Brodnjak, Kryetar i Bordit Udhëheqës në NLB d.d., i cili i uroi mirëseardhjen kolegut të ri, z. Gazmend Kadriu, dhe mbi të gjitha falënderoi kolegun e tij që do të largohet me rastin e pensionimit, z. Albert Lumezi, për udhëheqjen e jashtëzakonshme dhe kontributin në rezultatet e Grupit. “Jam krenar dhe i privilegjuar që kam punuar përkrah një bankieri dhe lideri të tillë profesional. Së bashku kemi arritur gjëra të mëdha dhe bazuar në treguesit kryesor të performancës, NLB Banka Prishtina padyshim që i përket bankave më të suksesshme në të gjithë rajonin. Në emër të menaxhmentit të Grupit dëshiroj t'i uroj mirëseardhjen edhe kolegut tonë të ri, z. Kadriu. Mirë se vini në grupin lider bankar me fokus strategjik ekskluziv në rajonin tonë të Evropës Juglindore. Mezi presim të punojmë me ju dhe të forcojmë më tepër praninë në tregun e Kosovës dhe në rajon.” Ndërsa e falenderojme z. Lumezi dhe mirëpresim liderin tonë të ri, sigurojmë klientët, punonjësit dhe palët e interesit se përkushtimi ynë ndaj përsosmërisë dhe suksesit mbetet i palëkundur. Ne kemi besim se nën drejtimin e Kryetarit të ri të Bordit Udhëheqës, NLB Banka do vazhdojë të zhvillohet dhe të ketë nivele të reja suksesi. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS *Ky shkrim është i sponsorizuar