Bjeshkët e Deçanit morën një pamje të dhimbshme paraditen e të dielës. Prej tyre dilte tym e flakë.
Zjarri që filloi të shtunën në mbrëmje shkatërroi disa hektar me pyje në zonën e Kullës së Qelisë, transmeton klankosova.tv.
Arianit Hamzaj, zjarrfikësi që arriti i pari në vendngjarje për të shuar flakët tha se kjo ishte mjaft sfiduese për ekipin e zjarrfikësve.
Hamzaj me kolegë e vullnetarë arritën të lokalizojnë zjarrin, mirëpo për shkak të gjetheve dhe shkurreve të thata zjarri mund të shpërthej përsëri.
Zjarrfikësit e Deçanit kanë mungesë në njerëz e pajisje, prandaj kryetari I komunës, Bashkim Ramosaj, u desh të kërkonte ndihmë nga vullnetmirët.
Tymi në këtë zonë ka vazhduar edhe të dielën pasdite, ndërsa policia nuk ka ndonjë të dyshuar për rastin.
https://www.youtube.com/watch?v=WsDcIg_-b1Q
●●●
LGSHKRIMI NGA
L. Ga.
Editorial nga Klan Kosova — ndjek video lajme dhe zhvillimet e tjera kryesore të vendit.
