Eneda Toska, shqiptarja e shpallur "Shkencëtarja e re e vitit" për kërkimet rreth kancerit (VIDEO)

Një javë më parë shqiptarja nga Vlora, Eneda Toska e cila jeton dhe vepron në Amerikë u shpërblye me një çmim prestigjioz. 35-vjeçarja u shpall shkencëtarja e re e vitit për kërkimet rreth kancerit nga shoqata më e madhe në botë për hulumtime rreth kancerit. Toska me këtë çmim u nderua për punën e jashtëzakonshme dhe kontributin e saj në këtë fushë, ku aktualisht e njëjta është profesoreshë-asistente dhe hulumtuese në Departamentin e Onkologjisë në Universitetin "Johns Hopkins" në ShBA, njofton Klan Kosova. Çmimi ju nda bazuar në disa hulumtime jetike që i ka bërë Toska si ato: Pse disa tumore zhvillojnë metastaza? Pse disa tumore nuk funksionojnë ndaj terapive dhe disa të tjerë po, përfshirë këtu më të rëndësishmen zbulimin e kombinimit të disa ilaçeve ekzistuese të cilat kanë rezultuar në jetëgjatësi tek të prekurit me kancer të gjirit. Eneda Toska  thotë se synimin e ka mjaft të qartë, luftën për të gjetur sa më shumë kura ndaj kancerit të gjirit. https://www.youtube.com/watch?v=VijHOxycfQc Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS